好高興。沒想到, 原來有好多玩錶者都對本土手錶咁有熱誠。
首先要介紹Steve所創立既 “Crafter Blue” 。呢個係一個專門製作 “Seiko”、 “Tudor”…等品牌潛水錶代用膠帶既公司, 於世界上其實已經頗有名氣。
而今次, Steve決定做一款有質素既潛水錶俾廣大玩錶人士。
同時當然用 “Crafter Blue” 命名。
此系列就叫 “Mechanic Ocean”。
300米防水, 3種顏色。
分別為: [ 灰橙 ]、[ 藍紅 ] 、[ 黑色紅字 ]。
Steve做膠帶做到出哂名, 而第一次做鋼帶款都絕對唔失禮 !
鋼帶攞上手好有質感, 絕對唔會輸蝕得過好多大牌子。
與此同時, Steve更加係一個對手錶好有熱誠既人。
現今世界上, 太多係為了賺錢而失去咗靈魂既商業牌子。
佢為咗做到一絲不苟, 將手錶用料, 微細位置不停改良。
我被佢對手錶既熱忱而打動 , 市場好少有呢一類人了。
[ 香港精品 , 大家要支持 ]
各位朋友, 其實香港鐘錶業, 一直有好多藏龍卧虎, 千萬唔好以為得瑞士鐘錶先靚。
由70年代起 , 香港其實係可以叫做鐘錶皇國, 出口既鐘錶量大得驚人。
講個小小資料俾大家聽: “其實好多超級牌子, 賣緊幾百萬既錶, 有部份配件都係香港製作, 出口到瑞士。”
所以我地唔好妄自菲薄。
要支持本地生產。
Comments